വൃത്തിയാക്കാത്ത ഓരോ കൈകളിലും ഒരു കോടി വൈറസുകളും ബാക്റ്റീരിയയും ഉണ്ടെന്നാണ് കണക്ക്. ഭക്ഷണത്തോടൊപ്പം ഇവ ഉള്ളില്‍ ചെല്ലുമ്പോളാണ് പല അസുഖങ്ങളും ഉണ്ടാകുന്നത്. കുഞ്ഞുങ്ങളുടെ മരണത്തിനു കാരണമാകുന്ന പ്രധാന രോഗങ്ങള്‍ വയറിളക്കവും ശ്വാസകോശ അണുബാധയുമാണ്. ടൈഫോയ്ഡ് , മഞ്ഞപിത്തം, വിരശല്യം, ത്വക്കിലും കണ്ണിലും ഉണ്ടാകുന്ന അണുബാധ എന്നിവയും സോപ്പ് ഉപയോഗിച്ചു കൈ കഴുകുന്നതിലൂടെ തടയാന്‍ സാധിക്കും.
നഗ്‌നനേത്രങ്ങള്‍ കൊണ്ട് കാണാന്‍ സാധിക്കാത്ത ഇവ ശരീരത്തിനുള്ളില്‍ പ്രവേശിച്ച് രോഗങ്ങള്‍ ഉണ്ടാക്കുമ്പോഴാണ് നാം പലപ്പോഴും ശ്രദ്ധിക്കുന്നത്. രോഗം വരുമ്പോള്‍ അതിനെയോര്‍ത്ത് വിഷമിക്കുന്നതിന് പകരം ഒരു നിമിഷം ചിന്തിക്കൂ. കൈ കഴുകിയ ശേഷം മാത്രം ഭക്ഷണം കഴിക്കാനിരിക്കൂ.
മാത്രമല്ല, ആഹാരം പാചകം ചെയ്യുന്നതിന് മുന്‍പും, കഴിക്കുന്നതിനു മുന്‍പും, മല മൂത്ര വിസ്സര്‍ജ്ജനത്തിനു ശേഷവും, കുഞ്ഞുങ്ങളെ പരിപാലിക്കുന്നതിനും മുന്‍പും ശേഷവും കൈകള്‍ സോപ്പ് ഉപയോഗിച്ച് കഴുകാന്‍ മറക്കരുത്.