സഡൻ ഇന്ഫന്റ് ഡെത്ത്‌ സിൻഡ്രോം (SIDS)
ഒരു വയസ്സിന് താഴെയുള്ള ആരോഗ്യമുള്ള കുഞ്ഞിന്റെ വിശദീകരിക്കാത്ത മരണമാണ് ഇത്.മുന്നറിയിപ്പ് അടയാളങ്ങളോ വ്യക്തമായ കാരണമോ ഇല്ലാതെ 12 മാസം അല്ലെങ്കിൽ അതിൽ താഴെയുള്ള കുഞ്ഞുങ്ങൾ പലപ്പോഴും ഉറക്കത്തിൽ മരണപ്പെട്ടതായി കാണാറുണ്ട്.
ശിശുക്കൾ പലപ്പോഴും അവരുടെ തൊട്ടിലിൽ തന്നെ മരിക്കുന്നതിനാൽ SIDS നെ ചിലപ്പോൾ തൊട്ടിൽ മരണം (crib death )എന്നും വിളിക്കുന്നു. കാരണം അജ്ഞാതമാണെങ്കിലും, ഉറക്കത്തിൽ നിന്നുള്ള ശ്വസനത്തെയും ഉത്തേജനത്തെയും നിയന്ത്രിക്കുന്ന ശിശുവിന്റെ തലച്ചോറിന്റെ ഭാഗത്തെ വൈകല്യങ്ങളുമായി SIDS ബന്ധപ്പെട്ടിരിക്കാമെന്ന് കരുതപ്പെടുന്നു.
SIDS തടയാൻ 100% മാർഗമൊന്നുമില്ലെങ്കിലും, നിങ്ങളുടെ കുഞ്ഞിന്റെ അപകടസാധ്യത കുറയ്ക്കുന്നതിന് നിങ്ങൾക്ക് ധാരാളം ചെയ്യാനാകും. അമേരിക്കൻ അക്കാദമി ഓഫ് പീഡിയാട്രിക്സ് 1992 ൽ സുരക്ഷിതമായ ഉറക്ക ശുപാർശകൾ പുറപ്പെടുവിക്കുകയും 1994 ൽ “ബാക്ക് ടു സ്ലീപ്പ്” കാമ്പെയ്ൻ ആരംഭിക്കുകയും ചെയ്തതിന് ശേഷം, സിഡ്സ് നിരക്ക് 60 ശതമാനത്തിലധികം കുറഞ്ഞു. 1990 ൽ 154.5നെ അപേക്ഷിച്ചു 2015ൽ സിഡിസി വെറും 39.4 മരണങ്ങൾ ആണ് കണ്ടെത്തിയത്.
കാരണങ്ങൾ
ശാരീരികവും, ജനിതകവും, ഉറക്കവുമായി ബന്ധപ്പെട്ട പാരിസ്ഥിതിക ഘടകങ്ങളുടെ സംയോജനങ്ങളും ഒരു ശിശുവിനെ SIDS ബാധിക്കാൻ ഇടയാക്കിയേക്കാം. ഈ ഘടകങ്ങൾ ഓരോ കുട്ടിക്കും വ്യത്യാസപ്പെട്ടിരിക്കുന്നു.
മസ്തിഷ്ക വൈകല്യങ്ങൾ
മസ്തിഷ്ക വൈകല്യങ്ങളുമായി ജനിക്കുന്ന ചില കുഞ്ഞുങ്ങളിൽ , ഉറക്കത്തിൽ നിന്നുള്ള ശ്വസനത്തെയും ഉത്തേജനത്തെയും നിയന്ത്രിക്കുന്ന തലച്ചോറിന്റെ ഭാഗം ശരിയായി പ്രവർത്തിക്കാൻ പക്വത നേടിയിട്ടുണ്ടാകില്ല. കുറഞ്ഞ ജനന ഭാരം. അകാല ജനനം ,അല്ലെങ്കിൽ ഒന്നിലധികം ജനനത്തിന്റെ ഭാഗമാകുന്നത് (ട്വിൻസ് ,ട്രിപ്ളറ്റ്സ്). അതിനാൽ ശ്വസനം, ഹൃദയമിടിപ്പ് പോലുള്ള യാന്ത്രിക പ്രക്രിയകളിൽ അവന് അല്ലെങ്കിൽ അവൾക്ക് നിയന്ത്രണം കുറവാണ്.
ശ്വസന നാളികളിലെ അണുബാധ ,ശ്വസിക്കാൻ ബുദ്ധിമുട്ട് തുടങ്ങി SIDS മൂലം മരണമടഞ്ഞ പല ശിശുക്കൾക്കും അടുത്തിടെ ജലദോഷം പോലുള്ള അസുഖങ്ങളും ഉണ്ടായിരുന്നുത്രേ ഒരുപക്ഷേ ഇത് ശ്വസന പ്രശ്നങ്ങൾക്ക് കാരണമായത് കൊണ്ടാകാം sids സംഭവിച്ചത്.
ഉറക്ക പാരിസ്ഥിതിക ഘടകങ്ങൾ
ഒരു കുഞ്ഞിന്റെ തൊട്ടിലിലുള്ള വസ്തുക്കളും അവന്റെ അല്ലെങ്കിൽ അവളുടെ ഉറക്ക സ്ഥാനവും ഒരു കുഞ്ഞിന്റെ ശാരീരിക പ്രശ്‌നങ്ങളുമായി സംയോജിപ്പിച്ച് SIDS സാധ്യത വർദ്ധിപ്പിക്കും. ഉദാഹരണം കമഴ്ന്ന് കിടന്ന് ഉറങ്ങുകയോ , ഒരു വശത്തക്ക് ചെരിഞ്ഞു ഉറങ്ങുകയോ ചെയ്യുന്നത്.
കമഴ്ന്ന് കിടക്കുമ്പോൾ കുഞ്ഞുങ്ങൾക്ക് ചിലപ്പോൾ ശ്വസിക്കാൻ ബുദ്ധിമുട്ടായിരിക്കും.
വളരെ മൃദുവായ പ്രതലം,മൃദുവായ കട്ടിൽ അല്ലെങ്കിൽ വാട്ടർബെഡ് എന്നിവയിൽ മുഖം അമർത്തി കിടക്കുന്നത് ശിശുവിന്റെ വായുമാർഗത്തെ തടയും. ഒരു കുഞ്ഞ് മാതാപിതാക്കളുടെ അതേ മുറിയിൽ ഉറങ്ങുകയാണെങ്കിൽ SIDS- ന്റെ അപകടസാധ്യത കുറയുന്നു എന്നും, എന്നാൽ കുഞ്ഞ് മാതാപിതാക്കൾ, സഹോദരങ്ങൾ അല്ലെങ്കിൽ വളർത്തുമൃഗങ്ങൾക്കൊപ്പം ഒരേ കിടക്കയിൽ ഉറങ്ങുകയാണെങ്കിൽ അപകടസാധ്യത വർദ്ധിക്കുന്നു എന്നും ചില പഠനങ്ങൾ സൂചിപ്പിക്കുന്നു.
കുഞ്ഞു ഉറങ്ങുമ്പോൾ അമിതമായി ചൂട് ഉള്ളത്. അതായത് 3,4 ബെഡ്ഷീറ്റിൽ കുഞ്ഞിനെ പൊതിഞ്ഞു കെട്ടി വെക്കുന്നത്‌ SIDS സാധ്യത വർദ്ധിപ്പിക്കും.
അപകടസാധ്യതാ ഘടകങ്ങൾ
പെട്ടെന്നുള്ള ശിശുമരണ സിൻഡ്രോം ഏതെങ്കിലും ശിശുവിനെ ബാധിക്കുമെങ്കിലും, ഒരു കുഞ്ഞിന്റെ അപകടസാധ്യത വർദ്ധിപ്പിക്കുന്ന നിരവധി ഘടകങ്ങൾ ഗവേഷകർ തിരിച്ചറിഞ്ഞിട്ടുണ്ട്. അവയിൽ ഇവ ഉൾപ്പെടുന്നു:
ആൺകുട്ടികൾ SIDS മൂലം മരിക്കാനുള്ള സാധ്യത കൂടുതലാണ്. 5% പുരുഷ അധിക ജനനനിരക്ക് കണക്കിലെടുക്കുമ്പോൾ, 2 സ്ത്രീകൾക്ക് 3.15 പുരുഷ SIDS കേസുകൾ കാണപ്പെടുന്നു, പുരുഷ ഭിന്നസംഖ്യ 0.61
ജനിച്ചു രണ്ടു തൊട്ട് നാല് മാസങ്ങൾക്കിടക്കാണ് ഏറ്റവും കൂടുതൽ മരണങ്ങൾ കാണുന്നത്.
സഹോദരങ്ങളിലോ കസിൻ‌സിലോ sids വന്ന കുഞ്ഞുങ്ങൾക്ക് സാധ്യത കൂടുതലാണ്.
പുകവലിക്കാരോടൊപ്പം താമസിക്കുന്ന കുഞ്ഞുങ്ങൾക്ക് SIDS സാധ്യത കൂടുതലാണ്.
അകാലത്തിൽ. നേരത്തെ ജനിച്ചതും ഭാരം കുറവുള്ള കുഞ്ഞുങ്ങൾക്കും SIDS വരാനുള്ള സാധ്യത കൂടുതലാണ്.
20 വയസ്സിന് താഴെയുള്ള അമ്മമാർ ,സിഗരറ്റ് വലിക്കുകയോ മയക്കുമരുന്നോ മദ്യമോ ഉപയോഗിക്കുന്ന അമ്മമാർ.ഗർഭാവസ്ഥയിൽ ശ്രദ്ധിക്കാതിരുക്കുന്ന അമ്മമാർ തുടങ്ങിയവരുടെ കുട്ടികളിൽ കൂടുതലായി ഈ അവസ്‌ഥ കണ്ടു വരുന്നു.
പ്രതിരോധം
SIDS തടയുന്നതിന് 100 ശതമാനം സുരക്ഷിതമായ മാർഗങ്ങളില്ല
കുഞ്ഞിനെ കൂടുതൽ സുരക്ഷിതമായി ഉറങ്ങാൻ ചില കാര്യങ്ങൾക്ക് സഹായിക്കാനാകും
കുഞ്ഞിനെ മലർത്തി കിടത്തി ഉറക്കുക , ഒരു വശത്തേക്കോ കമഴ്ത്തിയോ കിടത്താതിരിക്കുക.
ആദ്യ വർഷം എങ്കിലും കുഞ്ഞിനെ നിങ്ങളുടെ കൂടെ കിടത്തി ഉറക്കാൻ ശ്രമിക്കുക.
തൊട്ടിലുകൾ വളരെ പരിമിതമായി ഉപയോഗിക്കുക.
മൃദുലമായ വസ്തുക്കൾ കഴിവതും ഉപേക്ഷിക്കുക. കുറച്ചു കട്ടിയുള്ള കിടക്കകൾ ഉപയോഗിക്കുക .
ഉറച്ച കട്ടിൽ ഉപയോഗിക്കുക. തലയിണയിലോ, മൃദുലമായ പാവകളിലോ മുഖം അമർന്നു കുഞ്ഞു മരണപ്പെടാൻ സാധ്യതയുണ്ട്. ശ്വസനത്തെ തടസ്സപ്പെടുത്താനും , ശ്വസിക്കുന്ന വായുവിൽ co2 ദാതുവിന്റെ അളവ് കൂടാനും അതുമൂലം ശ്വാസതടസം ഉണ്ടാകാനും സാധ്യതയുണ്ട്.
നിങ്ങളുടെ കുഞ്ഞിനെ അമിതമായി പുതപ്പിക്കരുത്. ചെറു ചൂട് ആവശ്യമാണെങ്കിലും ,മുറിയിൽ ചെറിയ വേഗതയിൽ ഫാൻ ഉപയോഗിച്ചു കാറ്റിന്റെ ഗതി നിയന്ത്രിക്കാനും , നമുക്ക് തണുപ്പകറ്റാൻ ആവശ്യമുള്ളതിനെക്കാൾ ഒരു ലെയർ വസ്ത്രം കൂടി മാത്രം കുഞ്ഞിന് സാധാരണ അവസരങ്ങളിൽ നൽകുക.
നിങ്ങളുടെ കുഞ്ഞിന്റെ തല മറയ്ക്കുന്ന രീതിയിൽ മൂടിപുതപ്പിക്കരുത്.
മുതിർന്നവർക്കുള്ള കിടക്കകൾ ശിശുക്കൾക്ക് സുരക്ഷിതമല്ല.
ഒരു കുഞ്ഞിന് ഹെഡ്ബോർഡ് സ്ലേറ്റുകൾ, കട്ടിൽ, ബെഡ് ഫ്രെയിം എന്നിവയ്ക്കിടയിലുള്ള ഇടം, അല്ലെങ്കിൽ കട്ടിൽ, ചുമർ എന്നിവയ്ക്കിടയിലുള്ള ഇടം ഒക്കെ അപകടമാണ്.ഇതിനിടയിൽ കുടുങ്ങുകയും ശ്വാസം മുട്ടിക്കുകയും ചെയ്യാം.
ഉറങ്ങുന്ന രക്ഷകർത്താവ് അബദ്ധത്തിൽ ഉരുണ്ടു കുഞ്ഞിന്റെ മൂക്കും വായയും മൂടുകയാണെങ്കലും കുഞ്ഞിനും ശ്വാസംമുട്ടാം.
കിടന്നു മുലപ്പാൽ കൊടുക്കുമ്പോഴും ഇതു സംഭവിക്കാം.
കുറഞ്ഞത് ആറുമാസത്തേക്കെങ്കിലും കുഞ്ഞിനെ മുലയൂട്ടുന്നത് SIDS സാധ്യത കുറയ്ക്കുന്നു.
SIDS ന്റെ അപകടസാധ്യത കുറയ്ക്കുമെന്ന് അവകാശപ്പെടുന്ന ബേബി മോണിറ്ററുകളും മറ്റ് വാണിജ്യ ഉപകരണങ്ങളും ഉപയോഗിക്കരുത്. ഫലപ്രദമല്ലാത്തതും സുരക്ഷാ പ്രശ്നങ്ങളും കാരണം അമേരിക്കൻ അക്കാദമി ഓഫ് പീഡിയാട്രിക്സ് മോണിറ്ററുകളുടെയും മറ്റ് ഉപകരണങ്ങളുടെയും ഉപയോഗം നിരുത്സാഹപ്പെടുത്തുന്നു.
SIDS തടയാൻ രോഗപ്രതിരോധ മരുന്നുകൾ സഹായിക്കുമെന്ന് ചില തെളിവുകൾ സൂചിപ്പിക്കുന്നു. അതുകൊണ്ടു തന്നെ കുത്തിവെപ്പുകൾ നിർബന്ധമായും എടുത്തിരിക്കണം.പൂർണമായും രോഗപ്രതിരോധ ശേഷിയില്ലാത്ത കുഞ്ഞുങ്ങളുമായി താരതമ്യപ്പെടുത്തുമ്പോൾ കുതിവേപ്പെടുത്തവരിൽ 50% SIDS സാധ്യത കുറയുന്നു.
കുഞ്ഞിന് ചുറ്റും പുകവലിക്കരുത്.
ആവശ്യമെങ്കിൽ കുഞ്ഞിന് നിഷ്കർശിച്ചിട്ടുള്ള നിയമങ്ങൾ പാലിച്ചു ഒരു പാസിഫൈയർ കൊടുക്കാവുന്നതാണ്.
1 വയസ്സിന് താഴെയുള്ള ശിശുവിന് തേൻ നൽകരുത് വളരെ ചെറിയ കുട്ടികളിൽ തേൻ ബോട്ടുലിസത്തിലേക്ക് നയിക്കുന്നതിനാൽ, 1 വയസ്സിന് താഴെയുള്ള കുട്ടിക്ക് ഒരിക്കലും തേൻ നൽകരുത്. ബോട്ടുലിസവും അതിന് കാരണമാകുന്ന ബാക്ടീരിയകളും SIDS മായി ബന്ധിപ്പെടുത്താവുന്നതാണ്.
എന്തെങ്കിലും ബുദ്ധിമുട്ടുകൾ കാണുമ്പോൾ തന്നെ ആരോഗ്യപ്രവർത്തകരുമായി ബന്ധപ്പെടുക
ഡോ.അശ്വതി സോമൻ.