ഹെല്‍ത്ത് ടിവിയുടെ ആഭിമുഖ്യത്തില്‍ ഹെയല്‍ത്ത് കെയര്‍ ബ്രാന്‍ഡിംഗ് ആന്‍ഡ് ഡിജിറ്റല്‍ മീഡിയ വര്‍ക്ക് ഷോപ്പ് സംഘടിപ്പിച്ചു. പെരിന്തല്‍മണ്ണയിലെ ഐ.എം.എ. ഹാളില്‍ നടന്ന പരിപാടി ഐ.എം.എ കെയര്‍ സ്റ്റേറ്റ് കമ്മറ്റി മെമ്പര്‍ ഡോ. കെ.എ പരീദ് ഉദ്ഘാടനം ചെയ്തു. ഹെല്‍ത്ത് ടിവി, നടക്കാവില്‍ ഹോസ്പിറ്റല്‍ എനനിവയുടെ സ്ഥാപകന്‍ ഡോ. എന്‍. മുഹമ്മദ് അലി അധ്യക്ഷനായി.
ആരോഗ്യ സംരക്ഷണ പ്രവര്‍ത്തകരുടെയും സംഘടനകളുടെയും സോഷ്യല്‍ മീഡിയ സാങ്കേതിക അവബോധം ഉയര്‍ത്തുക എന്ന ലക്ഷ്യത്തോടെ നടത്തിയ പരിപാടിക്ക് ബാംഗ്ലൂരില്‍ നിന്നുള്ള ഐ.ടി വിദഗ്ധരും ആരോഗ്യമേഖലയിലെ പ്രമുഖരും നേതൃത്വം നല്‍കി.
ഹെല്‍ത്ത് കെയര്‍ ആന്‍ഡ് മീഡിയ ചാലഞ്ചസ് ആന്‍ഡ് ഹോപ്പ് എന്ന വിഷയത്തില്‍ ഡോ. എന്‍. മുഹമ്മദ് അലിയും ഗ്രോവിങ് ഹെല്‍ത്ത് കെയര്‍ ബിസിനസ് ഇന്‍ എയ്ജ് ഓഫ് അര്‍ട്ടിഫിഷ്യല്‍ ഇന്റലിജന്‍സ് എന്ന വിഷയത്തില്‍ സഫ്വാന്‍ എറോത്തും ബ്രാന്‍ഡ് പൊസിഷനിംഗ് ദി സയന്‍സ് ഓഫ് ഗേറ്റിങ് ദി റൈറ്റ് കസ്റ്റമര്‍ എന്ന വിഷയത്തില്‍ സഫാന്‍ സി.കെയും ഷാന്‍ അഹമ്മദും ക്ലാസുകള്‍ നയിച്ചു. ആരോഗ്യ മേഖലയിലെ നിരവധി പേര്‍ പരിപാടിയില്‍ പങ്കെടുത്തു.