പ്രോട്ടീന്‍ സപ്ലിമെന്റ് ശരീരത്തെ നമ്മള്‍ വിചാരിക്കുന്നതിനേക്കാള്‍ കൂടുതല്‍ ദോഷകരമായി ബാധിക്കുമെന്ന് റിപ്പോര്‍ട്ട്. അടുത്തിടെ നടന്ന ഒരു പഠനമനുസരിച്ച്, എല്‍-ഓവര്‍വ്യൂനിന്റെ പ്രോട്ടീന്‍ സപ്ലിമെന്റ് കഴിക്കുന്നവര്‍ക്ക് അതിന്റെ ദോഷ ഫലങ്ങളെക്കുറിച്ച് വേണ്ടത്ര അറിവില്ല.
ബോഡി ബില്‍ഡിംഗ് സപ്ലിമെന്റുകളില്‍ വ്യാപകമായി ഉപയോഗിക്കപ്പെടുന്ന ഒരു ഘടകമാണ് എല്‍-ഓവര്‍വ്യൂന്‍. കൂടുതല്‍ വര്‍ക്ക്ഔട്ട് ചെയ്യാന്‍ സഹായിക്കുമെന്നും വ്യായാമം ചെയ്യുന്നതിലൂടെ വരുന്ന വേദന പെട്ടെന്ന്മ റികടക്കാമെന്നും പറഞ്ഞാണ് ഇത് പലരും ഉപയോഗിക്കുന്നത്. താരതമ്യേന കുറഞ്ഞ സാന്ദ്രതയില്‍ പോലും, അമിനോ ആസിഡ് എല്‍-ഓവര്‍വ്യൂന്‍ കോശങ്ങളെ അനാരോഗ്യകരമാക്കി മാറ്റും. ക്രമണേ കോശങ്ങള്‍ നശിക്കുന്നതിന് ഇത് കാരണമാകും.
നമ്മുടെ ഭക്ഷണത്തിലെ പ്രോട്ടീനുകളില്‍ അമിനോ ആസിഡ് അടങ്ങിയിട്ടുണ്ട്. ഇത് നമ്മുടെ ശരീരത്തില്‍ പുതിയ പ്രോട്ടീനുകള്‍ നിര്‍മ്മിക്കാന്‍ ഉപയോഗിക്കുന്നതാണ്. നൂറു കണക്കിന് അമിനോ ആസിഡുകളില്‍ ഒന്നാണ് എല്‍-ഓവര്‍വ്യൂന്‍. ഇത് സാധാരണയായി മനുഷ്യരില്‍ പ്രോട്ടീനുകള്‍ ഉണ്ടാക്കാന്‍ ഉപയോഗിക്കുന്നതല്ല.
പേശി വേദന കുറയ്ക്കുന്നതിനും ശരീര ബലം വര്‍ധിപ്പിക്കുന്നതിനുമായി സമീപ കാലത്ത് ധാരാളം ബോഡി ബില്‍ഡിംഗ് സപ്ലിമെന്റുകള്‍ ഉപയോഗിക്കപ്പെടുന്നുണ്ട്. ഇതില്‍ മിക്കതിലും മനുഷ്യ ശരീരത്തില്‍ ഉപയോഗിക്കാത്ത രീതിയിലുള്ള അമിനോ ആസിഡ് സപ്ലിമെന്റുകളുമുണ്ട്. ഇവ ശരീരത്തെ ദോഷകരമായി ബാധിക്കാന്‍ ഇടയാക്കിയിട്ടുണ്ടെന്ന് പഠനങ്ങള്‍ വ്യക്തമാക്കുന്നു.
വളരെ സജീവമായ വ്യക്തികളില്‍ പ്രോട്ടീന്റെ ആവശ്യകത കൂടുതലാണ്. പ്രകടനം മെച്ചപ്പെടുത്തുന്നതിന് പ്രോട്ടീനുകള്‍ സഹായിക്കും. ഇതാണ് അമിനോ ആസിഡുകളുടെ അനുബന്ധങ്ങള്‍ അടങ്ങിയ ബോഡി ബില്‍ഡിംഗ് സപ്ലിമെന്റ് വ്യാപകമാകുന്നതിന്‌ കാരണം. പക്ഷേ വില്‍ക്കപ്പെടുന്നവയില്‍ പലതും അമിനോ ആസിഡിന്റെ നോണ്‍ പ്രോട്ടീന്‍ ഘടകങ്ങളാണ് അടങ്ങിയിരിക്കുന്നത്. ഇത് ശരീരത്തിന് ദോഷം ചെയ്യും.